Beete lamhe

Ek arsa beet gya uss waqt ko!!
par yaadein aaj bhi taaza hai
jaise kal hi ki baat ho

nazuk thi kalhai tab
jab kalam uthai thi humne
ek nayi kahani likhne
un berang panno par apni daastaan ghadne!!

Aaj bhi jab mud kar dekhta hun

toh duur waqt ki dhool mein sana
dhundh k uss paar
vo bachha nazar aata hai
jo ab bhi muskura raha hai
aaj bhi anchuha hai voh iss duniya ke jhanjat se
aaj bhi befikri mein jee raha hai vo!!

Aaj bhi jab mud kar dekhta hun
Toh apni hi dhun par thirakti
ek dhundli si parchhai nazar aati h
Vo main hi hu!
ya shayad main nahi?
bas isi savaal ka javaab
dhoond raha hun main!!!

Sach

''You may get confused after reading it! But believe me i was no better while writing ''

SACH

Chahe jitna bhi kadva kyu na lage

Chahe lakh bura kyu na lage

Sach toh sach h

par sach aakhir kya hai

Aur kaunsa sach asal mein sach h

mera sach ya uska?

Shayad mera mere liye aur uska uske!

Aur Ek doosre ko apna sach sachcha lagvaane ki hi toh Daud h!

Yehi toh takleef k dono sach hi apni jagah sachche hain!

Par kya ye sach itna zaruri h

Ya vo ek jhoot?

Vo jhoot jo sab kuch thik kr deta

vo jhoot jo kadvahat khatm kr sab kuch thik kr deta

Kya ye sach itna zaruri h jo iske liye sab kuch daov par lga baithe?

Shayad Haan Ya nahi bhi

par ab toh vo pal beet gya

ye bhi toh ek sach h!!

Shayad iss sach ko kuch zyada hi ahemiyat de di humne

Shayad jhoot hi behtar tha

par uske baad bhi agr sach bahar aa jaye toh?

Kuch waqt ka sukoon paane k liye toh itna kiya hi jaa skta h! Haina?

Shayad Haan shayad nahi!!

Ye sach jhoot aur shayad ki vajah se hi ye takleef hai

Zindagi ka ek sach ye bhi toh h!!

''You maybe are confused after reading it! But believe me i was no better while writing ''

Kuch zehen se vo baat nikli

Kuch waqt bhi mere khilaaf tha
kuch meri bhi khata nikli, 
kuch hum bhi gunhegaar the
kuch halaat ki vajah nikli!

Kuch galat vo lamha bhi tha
Kuch hum bhi sahi na ho sake 
Kuch berehem tha unka insaaf 
kuch karmo ki saja nikli

Kuch raasta bhi kharaab tha 
kuch kadam galat humse bhi
pade 
kuch manzil ki doori bhi thi 
Kuch soch bhi beparwah nikli

Kuch gam ko humse pyaar bhi tha 
Kuch khushi bhi humse khafa nikli 
Kuch zindagi se wafa  humne na ki
Kuch zindagi bhi bewafa nikli

Kuch maut ko bhi gila tha humse 
Jo vo bhi daga de gyi 
Kuch dua unki bhi kaam ayi  
Jo mere marz ki dava nikli 

Ek raah vo bhi thi

ek raah vo bhi thi

jo humne na chuni

kabhi jo dhool se sanii si thi

jismein aaj gulshan si bahar hai 

kabhi jo sooni dagar si thi

jaha aaj mele si bauchhaar hai 

vo andhero se ghiri shuruvaat thi

jo hum krne se katra gye

vo manzil pe na le jaaegi

ye soch hum ghabra gye

ek raah vo bhi thi
jo humne na chuni

aaj dukh jiska liye baithe hai hum

kabhi humne hi thukraya tha usse

jo faisla uss waqt tha liya

ab shakk ussi pe krne hain lage

chhod saath uska the chale

jab tanhai basti thi vaha 

mushkil se mun fer kar

asaan rahein chuni thi jaha

aaj dobara usse takra gye 

fir ussi mod par hain aagye

par ab der bahot krdi humne

ab mudna mumkin nai lagta

bahot aage nikal aaye hai ab

doosri raah se judna mumkin nai lagta

ek raah vo bhi thi

jo humne na chuni

ab sochte hai jo chun lete

toh aaj kuch alag hota

ab sochte hai jo chun lete

toh saath kuch alag hota 

par ab sochke bhi kya hoga

bahot der jo krdi humne 

ek raah vo bhi thi

jo humne na chuni!!!!!!!

Kya din the vo chaar

Kya din the vo chaar 
Saath nikle the sab yaar 
Waqt kaise beet gaya 
Pta bhi na chla 
Safarkhatm bhi ho gya 
Pta bhi na chla

Raat k ghane kohre mein 
Shuru jo safar hua 
Na socha tha k itna yaadgar hoga 
Na socha tha k itna lizattdaar hoga

Shuruvaat hui clg se apne 
Nikle hum masti ki umeedein liye 
sardi ki raat mein, 
shawlein liye apne haath mein 
Hua shuru ek anjaan safar 
Khwahishon ki seher mein 
Nikle hum ek nayi dagar

Jo manzil aayi toh 
Roshni ubhar aayi thi 
Badalon ki chhat laangh kr 
Dhoop nazar aayi thi
Jannat mein khud ko dekh kr 
Chehro pe muskaan bikhar aayi thi
Ab jin aankhon mein umeedein basi thi 
Unmein uttejana utar aayi thi

Kamro ki jado jeheth mein 
Neend kahi furr hogyi! 
Aur thakaan bhi mit gyi thi, 
Kyuki 
Dilkash vaadiyon ki jhalak pa kr 
Araam toh apne aap aagya tha

Haseen vaadiyon aur mausam k siva 
Kuch Khaas bhi un dino mein tha 
Maa kasam has has k mar gya
Jo koi bhi vaha maujood tha!!

Ye baat kuch iss tarah shuru si hui 
K puneet good morning kehna bhool gya 
Vo achanak uska stole maangna 
Zehen mein ek lateefa ban jhool gya 
Fir kya btaun haal-e-dil tumhe? 
Haste haste gurda tak phool gya!!

Aur tabse shuru ek kaarwan jo hua 
Vo sunne mein kuch ajeeb h!!

Vo kamre mein baithe gappe ladaana  
Vo logo pe hasna, 
vo pagalon sa chillana
vo raat bhar duniya k mudde uthaana
Vo muddo k discussion ki meeting bithana 
Vo teachers ki raid 
Vo jk ki parade! 
Vo raid se darr kamre se ladkiyan bhagana 
Vo raaton ko Kamro ki ghantiyan bajana
Vo hp ki hasi se bhukamp sa hilna 
Vo saluja babbe k shraap milna 
Vo radhika ki intelligence, 
Vo Chintoo ki silence 
Vo jugu ki topi 
Vo meri almost violence! 
Vo harsheen ki smile
Vo nikki k jokes 
Vo jasleen k nakhre 
I'm gonna miss you folks!!!

Jab chle the toh socha na tha 
k itna yaadgar hoga ye safar 
Laute toh h par shayad 
ek hissa vahi chhoot gya! 
Ghar toh aa gya h apna 
Par ek kissa vahi chhoot gya 
Kuch rishte jo naye jude sang apne  
kuch puraane aur mazboot hue 
kuch mudde jo suljhe mahino k baad 
kuch naye aur vajood hue!!

Ab good kahu, poor kahu ya kahu excellent? 
Jaisi bhi thi badiya tha yaar
Socha na tha itne haseen honge 
kya din the vo chaar!!!

Main lakh bura insaan agr hu

Main lakh bura insaan agr hu
Kyu tareef vo meri jo kre
Tu kahe ye uska h badappan
Hai harkat meri tareefo k pare

Main lakh bura insaan agr hu
vo saath mere hardam kyu bade
Tu kahe ye uska h apnapan
Na mujh mein heere javaraat gade

Main lakh bura insaan agr hu
Vo baat bhi mujhse kyu kre
Tu kahe ye uski h udaarta
Na baaton se Kbhi zakhm bhare

Main lakh bura insaan agr hu
Vo pyaar kyu fir mujhse hi kre
Tu kahe ye rehmat h Uski
na karm koi mere h dhare

Main lakh bura insaan agr hu
Kyu nain uske mujhpe hi gade
tu kahe ye uska h andhapan
h pyaar k aankhon pe parde se pade

Main lakh bura insaan agr hu
Kyu vishwaas mujhpe itna vo kre
Tu kahe ye uski hai naadaani
Jo mujh jaise pe vishwaas kre


Main lakh accha bhi kaam kru
Tu kahe k main hi lakh bura hu
Main lakh sahi bhi baat kru
na tujhe kabhi koi baat jache

Jo lakh bura hu insaan agr main
Kyu accha vo mere saath kre
Tu kahe vo bhi mujhsa hi bura
Jo mujh mein umeed ki baat kre!!