Zindagi

Ek zindagi vo h jo khush h aapne mein 
Ek zindagi vo h jise main roz footpath par dekhta hu

Gaadiyo k itne shor mein bhi 
Na jaane kaise vo itni shaant rehti h 
Usee iss udti mitti se farak nai padta
Vo bas befikri mein apna kaam kiye jaati h 
Jee rahi h apni dhun mein geet gungunate hue

Wah! Kya Zindagi hai

Gar kareeb se bhi itni hi haseen hoti vo toh kya baat thi!

Magar Jab kareeb se jhaankta hu main toh..

Na jane kyu, nazare badal jaate hain! 
Jo hasi k thahake lag rhe the mujhe 
Vo siskiyon mein badal jaate hain

Usse dhool se farak nahi padta
Thand ki thithuran mein sunn hue shareer par dhool kaha asar kar paati h?

Haa vo befikri mein ji rahi h 
bhooke paet k dard k aage 
baaki har fikr bemaani jo ho jaati h!!

Yehi sach h uss zindagi ka 
Yehi yatharth hai

Aaj Ek Kamaal Baat Hogyi

Aaj ek Kamaal baat hogyi 
Pichle mod par ek yaad se mulakat hogyi

Usse dekh hairaan Main tha 
Vo muskura rahi thi dekh mujhe 
Main tak taki lgae ghoor rha tha use 
Vo masoomiyat se boli, 
pehchaana mujhe?

Main wahi hu jo chaukhat pe basti thi 
Jisne aangan bhar diya tha muskan se 
Jise gam k aasuon mein gawa baithe 
Main wahi yaad hu jise tum shayad bhula baithe

Main holi ke rango mein rangi, 
hu diwali se roshan hui, 
Main wahi hu jo rishton mein thi, 
Jo sapno mein, kisso mein, apno mein thi 
Jise paraya ab bana baithe
Main wahi yaad hu jise tum shayad bhula baithe

Main chup chap khada tha waha 
Bhula nahi tha main kuch 
Bas hairaan tha usse paa kr 
Jo dil k Kone mein kahi band the
Achanak un Lamho ki barsaat hogyi
Main toh hairaan tha 
jo mulakat hogyi

Vo khush thi dekh kr mujhe 
Kitna badal gaya tha sab 
Jo kabhi zindagi mein halaat the 
Aaj wahi ek haseen yaad hogyi

Sach!! Kamaal baat hogyi 
Jo mod par uss yaad se mulakat hogyi

Shukr Hai Khuda Ka

Ek chhoti si is zindagi mein 
Tere saath ne mujhe 
ek nayi khushi ka ehsaas dila diya 
Shukr h uss khuda ka, 
Jo mujhe tujhse mila diya!!

Jab talak main jaanta nahi tha tujhe 
Mujhe ehsaas hi nahi tha iss kami ka 
Par teri maujoodgi ne mujhe, 
tere na hone ka maina btla diya 
Shukr h uss khuda ka, 
Jo mujhe tujhse mila diya!!

Takdeer bhi kabhi khoob meherbaan hoti h
Jo sochi bhi na ho aisi pehchaan hoti h 
mujhe toh teri dosti ka hi sukoon tha 
Magar tune toh naya rishta bana liya
Shukr h uss khuda ka, 
Jo mujhe tujhse mila diya

Kabhi meri vajah se aaye 
aasu the teri aankhon mein 
Dobara koi in aankhon ko nam na kr ske 
Ye maine apna maksad bna liya 
Shukr h uss khuda ka, 
Jo mujhe tujhse mila diya