Empty spaces

Those black dots I see
On the white canvas
they are nothing
but the impressions,
the impressions of all those moments i suffered
All those times when it all seemed too dark


But
 

Whenever I see that empty white space
I wonder,
how after every black dot there is a vast gap?
i wonder
How is it so perfectly arranged?

Well,

maybe that's the secret of life
maybe that's how the magic works

I know,
there will be more black dots
but i also know there will be that white space in between

the space in which i love
the space in which i grow
the space in which i live.........

Incredible India

A short movie on the Other side of India

In likhe khaton ko

In likhe khaton ko ab
humne jalaana chhod diya
beete  lamho ko yaad kar
ab dil ko dhukhana chhod diya

yun toh galat kahi vo bhi the
par gunhegaar hum hi rahe
kyunki unke gunaho ki humne
fairist dikhana chhod diya

                        In likhe khaton ko ab
                        humne jalaana chhod diya

wafa toh ki humne bhi thi
par bewafa hum hi bane doston
kyunki apni wafai ka unhe
humne saboot batlana chhod diya
                                   
kahin toh jhoote vo bhi the
magar hum hi rahe asi
kyunki apni sacchai ka unhe
humne yakeen dilaana chhod diya

mohabbat toh pak apni bhi thi
par uhne nakaafi hi lagi
kyunki apni mohabbat ko unhe
humne jataana chhod diya
                                     
                         In likhe khaton ko ab
                         humne jalaana chhod diya


gunah toh unke bhi kam na the,
par kasoorvar hum hi bne yaaron
hui toh khata unse bi thi
bas humne ginaana chhod diya

             
In likhe khaton ko ab
humne jalaana chhod diya                                    
bemane in rishton ka ab         
bojha uthaana chhod diya
jo uljhi hui thi dor rishton ki
ab humne suljhaana chhod diya
beete lamho ko yaad kar
ab dil ko dukhana chhod diya!!!!!
                                       
                                       

Waqt

Hain mehez 3 lavz ye
par maaine kuch aseem hai
yeh duniya mein hai ,ya ismein duniya
ye paheli kuch ajeeb hai

Na raja ka ,na rank ka
ye khel hai chand ank ka

Hai badlaav ye,
hai thairaav bhi
Hai rukaavaat ye,
hai bahaav bhi
ye bnaye bhi ,ye bigaad de
ye sajaye bhi ye ujaad de

ye uthaa ambar ki unchai tak
ye fir dharti pe utaar de


na koi thaam saka isse
na ruka kisi k liye hai ye
na ban ke kisi ka reh saka
na ek sa sb liye hai ye
na kisi ek ka saga hai ye
na sada ek sa raha hai ye

hai mutthi se fisalti ret ye
ya bhramaan sa vishal hai
hai srishti ka sarjan kabhi
kabhi vinaash ki talwar hai


hai mehez 3 lavz yeh
par maine aseem hai
yeh duniya mein, ya ismein duniya
ye paheli kuch ajeeb hai

Ek baar tu shuruvat kar

Na kar gila na sar jhuka

na badlega jo ho chhuka

tu himmat toh kar

aage toh bad

aaj kar tu yeh faisla

na thakega tu na thamega tu

katjaega yeh faasla

Hai dagar mein laakhon mushkilein

tu nikal unko laangh kar

tujhmein bhi vo baat bnde

ek baar khud pe vishwaas kar

Na duur manzil bhi hogi tujhse
iss baat ko le jaan tu
tu kar jaega karm apna
sapno mein bharde jaan tu
tu karm apna bekhauf kar
na fal ki liye ho beimaan tu
duniya mein bura lakh bhale ho
khud mein acchai pehchaan tu
tu saaf hai jo mann se tere
toh tan bhi tera saath de
tu fikr ko rakh taak par
tu befikri se aage nikal

Tera saath bhi dega khuda

tu khudse pehle insaaf kar

tera haath bhi thaamega vo

ek baar tu shuruvaat kar

                                Ek baar tu shuruvaat kar

Tum ho nahi ya ho yahin

Tum ho nahi ya ho yahin

kyun mushkil batana lagta hai
har chehra mujhe bheed mein 
tera nazrana lagta hai

Tumhe chhoo nahi sakta hu main
fir kyu mehsus tum hote ho?
tumhe sunn nahi sakta hu main
fir kyu kaanon mein kuch kehte ho?

Bin tum iss baarish mein kuch khaas nahi,
na mausam ye suhana lagta hai
chand ki safedi ab ghatne lagi hai
ye suraj bhi ab puraana lagta hai

Tum ho nahi ya ho yahin
kyu mushkil batana lgta hai
har chehra mujhe bheed mein 
tera nazrana lagta hai

Bin tum andheri hai diwali
berang holi manana lagta hai
laut bhi aao ab saha nahi jaata
mushkil har lamha bitana lagta hai

Kisi ke bicchadne ka dard mujhe 
ab jaana pehchaana lagta hai
Tum ho nahi ya ho yahin
kyu mushkil batana lagta hai!!!!

Kuch phool mere

Main laaya tha ek guldasta haseen 

saja kar tere liye
kuch phool hi bas reh gye
kuch phool vo murjha gye 
kuch raaste mein dhe gye!!!


Kuch phool the vo khushboo bhare
kuch rango mein range se the
kuch phool the waadon bhare
jo adhoore reh gye
                               
                                                        Kuch phool vo murjha gye
                                                                  Kuch raaste mein dhe gye!!!


Kuch phool the kaanton ke sang
kuch pankhudiyan thi gulaab ki
kuch phool mohabbat k bhi the
jo bhanwre chura le gye
           
                                                        Kuch phool vo murjha gye
                                                                  Kuch raaste mein dhe gye!!!


Kuch kaliyan bhi thi
kuch gunche bhi the
kuch boondein shabnam ki bhi thi
the patte kuch ikrar ke
jo aandhiyon sang beh gye

                                                        Kuch phool vo murjha gye
                                                                  Kuch raaste mein dhe gye!!!


Main laaya tha ek guldasta haseen
saja kar tere liye
kuch phool hi bas reh gye

Vo phool the armaanon k mere
vo phool mere khwabon bhare
vo palchhin rang birange se the
jo bas yaadon mein ab reh gye

                                                         Kuch phool vo murjha gye
                                                                   Kuch raaste mein dhe gye!!!!

Mausam mein ek shayari hai!!!

Tera milna bhi ittefaaq tha,
tera sang chalna bhi ittefaaq tha,
kaun kehta hai k har cheez ka maksad hota hai!!
tujhe paana tha maksad mera ,mera toh maksad bhi ittefaaq tha!!


Vo aati hai meri kabr par roz apne aashiq k saath
kaun kehta hai k dafnaane k baad jalaya nahi jaata


Na jaane uske dil mein kitni mehfilein kaid ho
jo akela baitha ho usse tanha nahi kehte


Mujhe dhoondne se pehle jag bhar mein
ik baar apne dil mein jhaank leta
main toh aaj bhi tere kareeb hu
tu ik avaaz toh deta



Na fikr se na kher se 
Na zulm se na zeher se 
Mujhe maut aaegi bas tere bair se!